सांगली महापालिका क्षेत्रात गुरुवारी 314 नवे कोरोना पॉझिटिव्ह : लक्षणे असणाऱ्यांनी तपासणी करून घ्यावी - आयुक्त

सांगली -  सांगली मिरज आणि कुपवाड शहर महानगरपालिका क्षेत्रात गुरुवारी दिवसभरात 314 व्यक्तींचा रिपोर्ट कोरोना पॉझिटिव्ह आला आहे तर दिवसभरात 155 व्यक्ती होम आयसोलेशनमध्ये दाखल झाले आहेत. मनपाक्षेत्रात 29 एप्रिल 2021 अखेर एकूण 2023 ऍक्टिव्ह रुग्ण असून त्यापैकी 1588 व्यक्ती या होम आयसोलेशनमध्ये तर उर्वरित वेगवेगळ्या कोविड रुग्णालयात उपचार घेत आहेत. कोरोना रुग्णांची वाढती संख्या पाहता जनतेने काळजी घ्यावी आणि लक्षणे असणाऱ्यानी आपली कोविड तपासणी करून घ्यावी असे आवाहन मनपा आयुक्त नितीन कापडणीस यांनी केले आहे.

   सांगली मिरज आणि कुपवाड शहर महानगरपालिका क्षेत्रात कोरोनाची रुग्णसंख्या दिवसेंदिवस वाढत चालली आहे. गुरुवारी  दिवसभरात 314 व्यक्ती कोरोना पॉझिटिव्ह आढळल्या आहेत तर यापैकी 155 जन होमयसोलेशनमध्ये आहेत. आजचे एकूण ऍक्टिव्ह रुग्ण 2023 असून यापैकी 1588 व्यक्ती होम आयसोलेशन उपचारखाली आहेत तर 177 व्यक्तीना डिस्चार्ज देण्यात आला आहे. मनपाक्षेत्रात कोरोना रुग्णांची संख्या झपाट्याने वाढत चालली आहे. त्यामुळे जनतेने काळजी घ्यावी. कोणाला कोरोना सदृश्य लक्षणे असतील तर त्यांनी तातडीने आपली तपासणी करून घ्यावी. तसेच लक्षणे असणाऱ्यांनी आपली कोरोना चाचणी करून योग्यवेळी आपले निदान करून उपचार घ्यावेत असे आवाहनही मनपा आयुक्त नितीन कापडणीस यांनी केले आहे.